18 Fevral 2019 20:46
395
CƏMİYYƏT
A- A+

Ombudsman təsisatında Dağlıq Qarabağ bölgəsinin azərbaycanlı icmasının üzvləri ilə görüş olub


Ombudsman təsisatında "Azərbaycan Respublikası Dağlıq Qarabağ Bölgəsinin Azərbaycanlı İcması” İctimai Birliyinin yeni seçilmiş İdarə Heyətinin sədri Tural Gəncəliyev, deputat Flora Qasımova və icmanın digər üzvləri ilə görüş keçirilib. Görüşün əsas məqsədi gələcək əməkdaşlıq perspektivləri və keçiriləcək tədbirlər ətrafında fikir mübadiləsinin aparılmasından ibarət olub. Bu barədə AZƏRTAC-a Ombudsman Aparatından məlumat verilib.

İnsan hüquqları üzrə müvəkkil Elmira Süleymanova bildirib ki, Ermənistan-Azərbaycan Dağlıq Qarabağ münaqişəsi XX yüzilliyin tarixində ən faciəli münaqişələrdən biri kimi tanınır. Ermənistanın Azərbaycana qarşı təcavüzü nəticəsində qaçqın və məcburi köçkün düşmüş soydaşlarımızın hüquqlarının kütləvi şəkildə pozulması, işğal nəticəsində respublikamızın təbii, tarixi və mədəni sərvətlərinin dağıdılması faktının dünya ictimaiyyətinə çatdırılması istiqamətində ombudsman tərəfindən müntəzəm olaraq həm ölkə daxilində, həm də xaricdə tədbirlər həyata keçirilır. Qeyd edilib ki, Ermənistan qoşunlarının Azərbaycanın işğal olunmuş ərazilərindən çıxarılması, Azərbaycanın beynəlxalq sərhədləri daxilində ərazi bütövlüyü və suverenliyinin təmin olunması, qaçqın və məcburi köçkünlərin, o cümlədən Dağlıq Qarabağın azərbaycanlı icmasının ləyaqətlə öz doğma torpaqlarına qayıtması və Azərbaycanın sərhədləri daxilində Dağlıq Qarabağın erməni və azərbaycanlı icmalarının birgəyaşayışı nəzərdə tutulur və bu yanaşma tərəflər arasında münasibətlərin nizama salınması, sülhə nail olunmasına təkan verən əsas amildir.

Bununla yanaşı Xocalı soyqırımı, habelə Dağlıq Qarabağda və onun ətraf rayonlarında azərbaycanlılara qarşı törədilmiş zorakılıqlarla bağlı müvəkkil tərəfindən 125-dən çox bəyanat verilib və həmin bəyanatlar BMT-nin baş katibinə, insan hüquqları üzrə ali komissarına, qaçqınlar üzrə ali komissarına, Avropa Şurasına, ATƏT-ə, Beynəlxalq və Avropa Ombudsmanlar institutlarına, Asiya Ombudsmanlar Assosiasiyasına və bu qurumlara üzv olan ombudsmanlara, xarici ölkələrin Azərbaycandakı səfirliklərinə və respublikamızın xaricdəki səfirliklərinə, həmçinin ayrı-ayrı ölkələrdə fəaliyyət göstərən Azərbaycan diasporlarına ünvanlanıb.

T.Gəncəliyev adıçəkilən İctimai Birliyin Ermənistan-Azərbaycan Dağlıq Qarabağ münaqişəsi ilə bağlı həqiqətlərin dünya ictimaiyyətinə çatdırılması, Ermənistanın işğalçılıq siyasəti və erməni separatizminin beynəlxalq səviyyədə tanınması, məcburi köçkünlərin hüquqlarının qorunması üzrə dövlətdaxili və beynəlxalq qurumlarla əməkdaşlıq əlaqələrinin genişləndirilməsi üzrə həyata keçiriləcək tədbirlər barədə ətraflı məlumat verib. Həmçinin bu istiqamətdə ombudsmanın insan hüquqları üzrə innovativ təşəbbüsləri, yüksək nəzəri və praktik bilgiləri ilə seçildiyini nəzərə alaraq, icmanın gələcək fəaliyyətində onun təcrübəsindən faydalanılacağını bildirib.

Deputat Flora Qasımova ölkəmizin xarici siyasətində Ermənistan-Azərbaycan Dağlıq Qarabağ münaqişəsinin beynəlxalq hüquq normaları əsasında, respublikamızın ərazi bütövlüyü çərçivəsində həllinin əsas götürüldüyünü vurğulayıb.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video