Prezidentin güc mənbəyi xalqın məhəbbətidir
Kiçik Beyləqanda böyük Azərbaycanın möhtəşəm İLHAM ƏLİYEV sevgisi yaşandı
Prezidentin rəsmi qrafikini və protokolunu pozan səmimiyyət
Mehriban xanım Əliyevanın srağagün axşam sosial şəbəkələrdə paylaşdığı ürək sözləri - "İnsanların böyük sevgisi Prezidentimiz üçün ən yaxşı güc mənbəyidir! Bütün beyləqanlılara Prezidentə göstərilən səmimi qəbula görə təşəkkürümü bildirirəm!” fikri son iki gündə ictimaiyyəti vəcdə gətirən müzakirələrin yəqin, ümumiləşdirilmiş və ən dolğun ifadəsidir.
Bəs Beyləqanda nə baş vermişdi?
Hamımıza məlumdur: Prezidentin fəaliyyət qrafiki əvvəlcədən müəyyənləşdirilir və səfərlərdə buna dəqiqəbədəqiqə riayət olunur. İlham Əliyev Beyləqanda Tarix-Diyarşünaslıq muzeyinin açılışından sonra əsgərlərə görüşə tələsirdi - səfərin qrafikinin növbəti bəndi bu idi. Amma muzeyin ətrafında toplaşmış insanları görərkən Prezident yolunu avtomobil kortejinə sarı yox, həmişə olduğu kimi, xalqına doğru yönəltdi...
Xalqı ilə qol-boyun oldu... Özü də bunu məcazi mənada demirik, 100-dən artıq insan ilə qucaqlaşıb-öpüşən, onların alqışını, duasını, təşəkkürünü, eyni zamanda, müraciətini eşidən Lider bu kiçik məkanda bir dünya dolusu sevgini yaşadı, etimadı gördü...
Prezidentə konrket müraciət formaları var. Xarici nümayəndə heyətləri "Zati-aliləri Prezident”, ölkə məmurları "möhtərəm, cənab Prezident”, rəsmi tədbirlərdə sadə vətəndaşlar "Əziz Prezidentimiz” deyə xitab edirlər.
Amma Beyləqanda ekspromt, anidən baş tutan görüşdə müraciət formaları fərqli olduğu qədər də səmimiyyətin xalqımıza məxsus xüsusi təzahürü idi...
"Başına dönüm”, "Qadan alım”, "Sən gələn yollara qurban olum”...
Nənələrimizdən, analarımızdan, böyüklərimizdən həyatımız boyu eşitdiyimiz, doğmalığın və məhəbbətin ən həssas ifadəsi olan bu alqışlar heç vaxt saxta deyilməz! Onu ancaq ailə üzvü qədər doğma saydığına, əziz bildiyinə söyləyərsən...
Bu alqışlar, dualar da İlham Əliyevə Prezident olduğuna görə deyil, məhz bu məmləkətin, bu xalqın yeganə ümidi, bu nənələrin, ataların doğma oğlu qədər sevimlisi olduğuna görə səslənirdi...
Səmimiyyət, doğmalıq idi ki, Prezidentə "Sən” deyirdilər, dönə-dönə bağırlarına basırdılar, şəkil çəkdirirdilər, körpələri onun qucağına verirdilər, ərklə danışırdılar, şadyanalıq edirdilər...
Bir sözlə, rəsmi protokolun pozulmamış bir bəndi də qalmadı...
Amma onu da etiraf edək, İlham Əliyev özü də bu "protokol” dediyimiz "rəsmiyyət kağızına” əsla uymadı, özü onu dəfələrlə pozdu...
Qarşısında gənc xanəndənin səsləndirdiyi vətənpərvərlik nəğməsinin nəqarətini - "Yurdum yuvam məskənimsən, Azərbaycanım, Anam doğma Vətənimsən, Azərbaycanım” misralarını bədahətən özü də oxudu, iki dəfə oxudu, ətrafındakılarla birgə oxudu...
Və bütün düşmənlərə, nankorlara həm də Azərbaycan adından meydan oxudu!..
Nə yaxşı ki pozuldu bu protokol... Bütün dünya, bütün bədxahlar bir daha gördülər İlham Əliyevin güc mənbəyini, qüdrətinin zəminini, yenilməzliyinin səbəbini...
"Nənələr, analar gecə-gündüz dua edirlər ki, qara qüvvələr Səndən uzaq olsun...”
Sısqa nənənin bu alqışının gücündən hansı böyük bir güc ola bilər?!
Və İlham Əliyevin arxasında dünyanın xalq adlı ən böyük gücünün olmasına kim şübhə edə bilər?!
Zabitlərinin Komandanı, əsgərlərinin atası
Prezidentin sonrakı səfəri hərbi hissəyə idi. Ordu quruculuğunun, milli müdafiə sənayesinin ən son nailiyyətləri ilə tanış olan Ali Baş Komandan əsgərləri ilə bir süfrə arxasında əyləşdi.
Ali rəhbərlə əsgərləri süfrəni də, çörəyi, suyu da paylaşdılar, maraqlı söhbət etdilər...
Və bizlər o an İlham Əliyevin simasında, onun əsgərlərlə davranışında, simsarlığında Ali Baş Komandanla yanaşı bir ƏSGƏR ATASInın həssas duyğularını da gördük...
Onu da gördük ki, İlham Əliyev üçün Heydər də, Məmməd də, Əhməd də eyni dərəcədə dəyərlidir, əzizdir...
İlham Əliyev Lələtəpə, Günnüt zəfərlərinin Sərkərdəsi və azad Qarabağın cahangir müjdəçisidir, həm də zabitlərinin Komandanıdır, əsgərlərinin atası...
Bəlkə də elə bu atalıq təəssüratının nəticəsi idi ki, əsgərlər hərbi nizamnaməni bəzən pozaraq, Ali Baş Komandanları ilə hərbi qayda ilə yox, əziz, doğma insanları kimi görüşdülər...
Bəli, səmimiyyət rəsmi protokolu, hərbi nizamnəməni pozursa, bu, qəbahət sayılmır və burada günahkar olmur!..
Budur Azərbaycanın real mənzərəsi: xalq və Prezident rəsmi protokolları da, düşmənlərin oyununu da, Azərbaycana yönəlmiş məkrləri də pozurlar...
Bu gücün qarşısında kim dayana bilər ki?!..
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Mahmud Abbas yeni hökumətin tərkibini təsdiqləyib
28 Mart
ABF rəsmisi: "Böyük İpək Yolu" turnirinin Bakıda keçirilməsi boksun ölkəmizdə inkişafının təzahürüdü...
28 Mart
Manə Mollayeva : Xallar əldə etmək üçün vuruşacağıq
28 Mart
Yekun qərar qəbul edilməyib - Emin Ağalarov
28 Mart
Əcnəbi tələbələr Quba Soyqırımı Memorial Kompleksini ziyarət ediblər
28 Mart
Gürcüstan iqlim dəyişikliyi ilə mübarizəyə 3,7 milyard lari xərcləyəcək
28 Mart
Biz unutmuruq, tarix də unutmasın...
28 Mart
Taksilərin texniki göstəriciləri, daxili və xarici tərtibatına dair tələblər təsdiqlənib ...
28 Mart
BMT-nin İnkişaf Proqramı ilə gələcək əməkdaşlığa dair fikir mübadiləsi aparılıb
28 Mart
Dövlət orqanlarında vakant inzibati vəzifələrin tutulması məqsədilə daxili müsahibə elan edilir ...
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!