12 Yanvar 2019 02:17
310
İQTİSADİYYAT
A- A+

Torpaq borclu qalmır


Son dövrlər ölkədə həyata keçirilən aqrar tədbirlər nəticəsində kənd təsərrüfatının ənənəvi sahələri olan tütünçülük və baramaçılıq Qaxda da inkişaf edir. Rayon icra hakimiyyətinin, Qax Dövlət Aqrar İnkişaf Mərkəzinin (DAİM) dəstəyi, kənd inzibati ərazi dairəsi üzrə nümayəndəliklərin, bələdiyyələrin köməyi ilə kənd camaatının bu sahələrə marağı artıb.

Qax DAİM-in mütəxəssisləri tütünçülük və baramaçılığın inkişafı ilə əlaqədar yazılı təlimatlar hazırlayaraq inzibati ərazi dairələri üzrə nümayəndəlikləri, (ƏİN) və bələdiyyələrin köməyi ilə yerlərdə fermerlərə çatdırıblar. Bundan başqa, digər müvafiq qurumların (Dövlət Fitosanitar Xidməti, Dövlət Baytarlıq Xidməti, Baş Dövlət Texniki Nəzarət Müfəttişliyi, Bitki Sortlarının Qeydiyyatı və Toxum Nəzarəti üzrə Dövlət Xidməti, Aqrolizinq ASC) nümayəndələrinin iştirakı ilə kənd ƏİN-lərdə fermerlər ilə görüşlər keçirilir. Görüşlərdə istehsalçıların problemləri və onların tələbləri qeydə alınaraq Kənd Təsərrüfatı Nazirliyinə göndərilir. Əsas tələb və təkliflər kombaynların çatışmazlığı, mini texnikaların olmaması, suvarma kanallarının istifadəyə qismən yararlılığıdır. Kümdarların əsas təklifi isə barama pullarının hissə-hissə deyil, bütöv şəkildə bir dəfəyə verilməsidir.

Rayonda bitkiçiliyin digər istiqamətlərində də qarşıya qoyulan tapşırıqların icrası uğurla həyata keçirilir. Ötən il 13 min 572 hektarda (10468 hektarı buğda, 3104 hektarı arpa) aparılan aqrotexniki qulluq işləri, yüksək reproduksiyalı intensiv toxumlardan istifadə olunması, alaq otlarına, xəstəlik və zərərvericilərə qarşı vaxtında və düzgün aparılan mübarizə tədbirləri, mineral gübrələrdən səmərəli istifadə nəticəsində sahələrdən 33,02 min ton buğda, 8,01 min ton arpa götürülüb. Taxıl əkən fermerlərə 974,4 min manat subsidiya verilib. Cari ilin məhsulu üçün isə 14 min hektara payızlıq dənli bitkilər səpilib.

Qaxda tütünçülük də inkişaf edir. Bu sahədə ən vacib məsələlərdən biri istehsal olunan məhsulun satılmasıdır ki, o da artıq öz müsbət həllini tapıb. 2017-ci ildə rayon üzrə 605,8 hektar sahədə tütün əkildiyi halda, 2018-ci ildə bu rəqəm 623,5 hektara çatdırılıb. Rayonda tütünün qurudulması üçün 60 kamera var. Tütün sahələrində bütün aqrotexniki tədbirlər aparıldığından sahələrdən bol və keyfiyyətli məhsul götürülüb.

Rayonda baramaçılıq sahəsində də yüksək nəticələr əldə olunub. 2017-ci ildə rayon üzrə 12 min 500 kiloqramdan çox barama məhsulu istehsal olunduğu halda, 2018-ci ildə bu rəqəm 25 min 300 kiloqramdan artıq olub. Satılan baramanın hər kiloqramına görə 4 manat hesabı ilə 95,7 min, yaş baramanın hər kiloqramına isə 5 manat hesabı ilə 119,6 min manat subsidiya verilib.

Keçən il rayonda 1577 hektarda dən üçün qarğıdalı da əkilmişdir. Sahələrdən 12,3 min ton məhsul yığılıb ki, bu da 78,2 sentner məhsuldarlıq deməkdir. Amma "Aqropark”da, Ləkit və Güllük ərazi icra nümayəndəliklərində hektardan 100 sentnerdən yuxarı məhsul götürülən ərazilər də olub.

Əli SƏLİMOV,

"Azərbaycan”

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video