İsmayıllı Rayon İcra Hakimiyyəti YAP rayon təşkilatı ilə birgə ümummilli lider Heydər Əliyevin anım gününə həsr olunmuş silsilə tədbirlər təşkil edib. Bu çərçivədə yürüşlər, idman yarışları və xatirə turnirləri keçirilib. Dekabrın 11-də Heydər Əliyev Mərkəzində "Heydər Əliyev idarəetmə məktəbi”nin "Azərbaycan tarixinin Heydər Əliyev epoxası: inkişaf, xilaskarlıq və yüksəliş” mövzusunda məşğələsi keçirilib. Uulu öndərin İsmayıllıya səfərlərinin şahidi olmuş ziyalılar, ictimaiyyət nümayəndələri, icra strukturlarının, pedaqoji sahənin işçiləri, veteranlar, həmçinin gənclər məşğələdə iştirak ediblər. Ümummilli lider Heydər Əliyevin əziz xatirəsi bir dəqiqəlik sükutla yad edilib, həyat və fəaliyyətini əks etdirən film göstərilib.

İsmayıllı Rayon İcra Hakimiyyətinin başçısı, Əməkdar elm xadimi Mirdaməd Sadıqov tədbirdə çıxış edərək bildirib ki, Heydər Əliyev şəxsiyyəti daim öyrənilməli, ölkənin inkişafında fəal iştirak etmək, yüksək nəticələrə çatmaq üçün bu dahi şəxsiyyətin verdiyi tövsiyələr icra olunmalıdır. Ulu öndərin ümumxalq maraqlarına əsaslanan siyasəti Azərbaycanı yüksək inkişaf səviyyəsinə çatdırıb, çətin zamanda xilas edib və sonra dünya miqyasına çıxarıb.

RİH başçısının müavini, YAP İsmayıllı rayon təşkilatının sədri Sevil Əhmədova "Heydər Əliyev şəxsiyyətində milli liderliklə siyasi liderlik vəhdətdə olub” mövzusunda məruzə edib.

Məşğələdə "Ümummilli lider Heydər Əliyevin çoxistiqamətli siyasəti ümumxalq maraqları üzərində qurulurdu”, "Ümummilli lider Heydər Əliyev Azərbayanın xilaskarıdır” və "Heydər Əliyev Azərbaycan dövlətçiliyinin yaradıcısı və qurucusu olub” mövzularında da məruzələr diinlənilib.

2017-ci il dekabrın 12-də isə ümummilli lider Heydər Əliyevin Mərkəzi meydandakı abidəsi ziyarət edilib, önünə gül düzülüb. Ziyarətçilər sonra Heydər Əliyev Mərkəzində ulu öndərin həyat və fəaliyyətini dolğun əks etdirən filmə tamaşa ediblər.

"Azərbaycan”