23 Yanvar 2021 16:54
842
Elm və texnika
A- A+

“Vikipediya”nın alman dili bölməsində Azərbaycanla bağlı məqalələr zənginləşdiriləcək

 

Müasir dövrdə “Vikipediya”ya maraq getdikcə artır. “Vikipediya” hər xalqa öz mədəniyyətini, tarixini, ədəbiyyatını, dəyərlərini çatdırmaq nöqteyi-nəzərindən böyük imkanlar yaradır. Almaniyada yaşayan soydaşlarımız tərəfindən də “Vikipediya”da fəaliyyət göstərən qrup yaradılıb. Bundan sonra “Vikipediya”nın alman dili bölməsində ölkəmizlə bağlı məqalələr yaradılacaq və zənginləşdiriləcək.

Bu barədə AZƏRTAC-a "Vikipediya" üzrə mütəxəssis, diaspor üzrə araşdırmaşı-ekspert Elnur Eltürk məlumat verib. “Almaniyada yaşayan akademik təhsilli soydaşlarımız tərəfindən Alman-Azərbaycan Vikipediya Klubu formalaşdırılıb. Klubun heyəti Almaniyada təhsil alan, akademik dairələrdə çalışan vətənpərvər soydaşlarımızdan təşkil olunub. Qrupa Milli Məclisin deputatı Elnur Allahverdiyevin təşəbbüsü ilə yaradılan “Qorqud” Vikipediya Metodik Klubunun təlimçiləri tərəfindən təlimlər keçirilib. Qrup “Vikipediya”da məqalələrin yaradılması və zənginləşdirilməsi qaydalarını mənimsəyib. Qrup peşəkarlardan təşkil olunduğu üçün effektiv, nəzərəçarpacaq işlərin ortaya qoyulacağı gözlənilir. Fəaliyyət istiqamətini müəyyən edən qrup üzvləri tərəfindən məqalələr tərcümə edilməklə bərabər, həm də əsaslı mənbələrlə Azərbaycanla bağlı məqalələr yaradılacaq və redaktə ediləcək”, - deyə Elnur Eltürk qeyd edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video