04:19 27 Fevral 2021
ONLINE XƏBƏR LENTİ
03:04 27.02.2021

“25-lər”dən biri


03:02 27.02.2021

BİLDİRİŞ


03:01 27.02.2021

BİLDİRİŞ


02:59 27.02.2021

BİLDİRİŞ


02:57 27.02.2021

BİLDİRİŞ


Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Tovuzda İsə Musayev küçəsinin sakinlərindən şəhidlərimizə böyük ehtiram
ANA SƏHİFƏ / CƏMİYYƏT
17:56 26.01.2021

 

Vətən müharibəsindən əvvəl işğalçının təxribatına layiqli cavab verən Tovuzda İsə Musayev küçəsi yoldan keçənlərin diqqətini çəkir.

AZƏRTAC xəbər verir ki, bu küçədə divara 300-dən çox şəhidin fotosu vurulub. İdeyanın təşəbbüskarı yerli sakinlərdir. Onlar divardakı lövhəyə təkcə şəhid hərbçilərimizi deyil, həlak olan mülki şəxslərin də şəkillərini yerləşdiriblər. Məqsəd şəhidlərimizi gənc nəslə tanıtmaqdır.

Birinci Qarabağ müharibəsinin iştirakçısı, küçənin adını daşıdığı İsə Musayevin döyüş yoldaşı Nadir Ələkbərov bildirib ki, vətənpərvərlik hər yerdə olmalıdır: “Xalqımız öz qəhrəmanlarını heç zaman unutmayacaq. Gənclərimiz görsünlər ki, necə vətənpərvər oğullarımız, qızlarımız var. Qoy onlar da belə vətənpərvər olsunlar”.

Fotoları toplamaq elə də asan olmayıb, küçənin sakinləri bir-birinə canla-başla kömək ediblər. Həmsöhbətimiz Ulduzə Əliyevə deyib ki, həyətindəki divara şəhidlərimizin fotolarından ibarət uzunluğu 7 metrdən çox olan lövhə vurulacağını biləndə qürur hissi duyub. Yaxınlıqda isə bulaq var, hər kəs burada ayaq saxlayıb, sərin sudan içir, şəhidlərimizə rəhmət oxuyur.

Mülki şəhidlərin, hətta qətlə yetirilən körpə uşaqların fotolarının olduğu bu guşə gecə saatlarında da işıqlandırılır.

“Düşündük ki, uşaqlarımız küçədə oynayanda gəlib bu lövhəyə baxsınlar, şəhidlərimizi tanısınlar. Bu, şəhid analarına da bir təsəllidir. Oğullarının şəkillərini görürlər, bizə zəng edib, təşəkkür edirlər. Qonşuların hər biri bu işdə bizə dəstək olub”, – deyə kənd sakini Elmar Musayev qeyd edib.

Lövhədə Vətən müharibəsinin şəhidləri haqqında qısa məlumat da yazılıb. Küçənin aşağı hissəsində də eyni formada lövhə və bulaq kompleksi var. Şəhid İsə Musayev küçəsinin sakinləri Şəhidlər kompleksi adlandırdıqları bu məkanı göz bəbəyi kimi qoruyur, abad, təmiz və hər kəs üçün əziz bir yer kimi saxlayır...



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM