16:47 26 Fevral 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Rusiya paytaxtında da 20 Yanvar şəhidlərinin xatirəsi anılıb
 
ANA SƏHİFƏ / SİYASƏT
17:42 20.01.2021

 

Artıq o dəhşətli gecədən 31 il keçir. Neçə il keçsə də, Azərbaycan xalqı o gecəni heç vaxt unutmayacaq.

AZƏRTAC xəbər verir ki, bu fikirləri Azərbaycanın Rusiyadakı səfiri Polad Bülbüloğlu 20 Yanvar faciəsi ilə əlaqədar Moskvada keçirilən tədbirdə söyləyib.

Səfir Polad Bülbüloğlu əvvəlcə 20 Yanvar gecəsi həlak olanların xatirə lövhəsinin və ümummilli lideri Heydər Əliyevin barelyefi önünə gül dəstələri qoyub.

Diplomat diqqətə çatdırıb ki, Azərbaycanda azadlıq hərəkatı 1988-ci ildə Topxana meşəsinin qırılmasına etiraz olaraq başlayıb və xalqımız Azadlıq meydanına tolaşaraq bu hadisəyə etirazını bildirib. Bu etiraz dalğasından qorxan sovet hakimiyyəti silahlı ordunu Bakı şəhərində dinc əhalinin üzərinə yeridib. Həmin dəhşətli günlər heç zaman unudulmayacaq. Səfir qeyd edib ki, 1990-cı il yanvarın 21-də ümummilli lider Heydər Əliyev ailə üzvləri ilə birlikdə hazırda səfirliyimizin yerləşdiyi binaya gələrək, ilk dəfə olaraq sovet rəhbərliyinə etirazını bildirib. “O vaxt bu addım çox böyük mərdlik və cəsarət tələb edirdi. Böyük siyasi xadim Heydər Əliyev başa düşürdü ki, 20 Yanvar faciəsinə siyasi qiymət vermək lazımdır. Azərbaycanın Vətən müharibəsində Qələbəsi ilə Heydər Əliyevin arzuları çin oldu və bu arzuları Prezident İlham Əliyev həyata keçirdi. Azərbaycanın görkəmli şəxsiyyətlərinin güllələnmiş heykəllərinin bu yaxınlarda Prezident İlham Əliyevin şəxsən iştirakı ilə Şuşaya gətirilməsi məni çox həyəcanlandırdı və duyğulandırdı”, - deyə P.Bülbüloğlu bildirib.

20 Yanvar şəhidlərinin qisasının 44 günlük Vətən müharibəsində alındığını vurğulayan P.Bülbüloğlu deyib: “Qürur hissi keçiririk ki, Azərbaycan 44 günlük müharibədə Qələbə çaldı, Qarabağ torpaqları, o cümlədən Şuşa şəhəri işğaldan azad olundu. Prezident İlham Əliyev Şuşa şəhərini mədəniyyət paytaxtı elan etdi. Şəhidlərimizin qisası alındı. Allah onlara qəni-qəni rəhmət eləsin. Qarabağ Azərbaycandır!”.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM