16:44 26 Fevral 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Mobil rabitə operatorları 2025-ci ilədək bu sahənin inkişafına 1,1 trilyon dollar yatıracaq
ANA SƏHİFƏ / DÜNYA
17:12 23.02.2021

 

Bütün dünya üzrə mobil rabitə operatorları 2025-ci ilə qədər bu sahənin inkişafına ümumilikdə 1,1 trilyon dollara yaxın vəsait yatıracaq.

AZƏRTAC TASS informasiya agentliyinə istinadla xəbər verir ki, bu barədə GSMA assosiasiyasının Baş direktoru Mats Qranrid Çinin Şanxay şəhərində keçirilən Dünya Mobil Konqresinin (Mobile World Congress Shanghai, MWC Shanghai) açılış mərasimində çıxış edərkən bildirib.

Dünyada mobil rabitə bazarına müvafiq yatırımların təxminən 80 faizi 5G standartının inkişafına yönələn sərmayələrin payına düşəcək. Mats Qranridin sözlərinə görə, 2021-ci ilin sonlarına qədər dünya əhalisinin təxminən 20 faizinin 5G şəbəkəsi ilə təmin olunması planlaşdırılır. Assosiasiyanın Baş direktoru Çində beşinci nəsil rabitə üçün infrastrukturun sürətli inkişafına diqqət yönəldərək deyib ki, 2025-ci ilə qədər bu ölkədə bütün mobil rabitənin yarısı 5G texnologiyası hesabına həyata keçiriləcək.

Qeyd edək ki, fevralın 25-dək davam edəcək konqresə telekommunikasiya sahəsinin 200-dən çox eksponenti qatılacaq. Konqres hər il Barselona, Los-Anceles və Şanxay şəhərlərində keçirilir.

MWC mobil rabitə sahəsində fəaliyyət göstərən oyunçuların maraqlarını təmsil edən və 400-ə yaxın kompaniyanın 750-dən çox operatorunu birləşdirən GSMA tərəfindən təşkil olunur. Onların arasında mobil telefon qurğuları və proqram təminatı istehsalçıları, avadanlıq tədarükçüləri və internet kompaniyalar, həmçinin əlaqədar sahələrin nümayəndələri var. Assosiasiyanın mənzil-qərargahı Böyük Britaniyanın paytaxtı Londonda yerləşir.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM