30 Noyabr 2018 20:36
1079
Elm və texnika
A- A+

İsveçdə çirklənmiş suyun yeni təmizlənmə üsulu kəşf olunub


Civə və digər ağır toksik metallarla çirklənmiş su ekoloji cəhətdən və insan sağlamlığına təsiri baxımından ciddi təhlükə mənbəyidir. İsveçin Çalmers Texniki Universitetinin tədqiqatçıları çirklənmiş suyun elektrokimyəvi proseslər vasitəsilə təmizlənməsinin yeni üsulunu kəşf ediblər.

AZƏRTAC Çalmers Texniki Universitetinin saytına istinadla xəbər verir ki, tədqiqatçı Byörn Vikmanın sözlərinə görə, yeni üsul suda civənin miqdarını 99 faizədək azaltmağa imkan verir. Bu prosesdən sonra suyu içmək tamamilə təhlükəsiz olur.

Dünya Səhiyyə Təşkilatının (DST) məlumatına görə, civə insan sağlamlığı üçün olduqca təhlükəli maddədir. Belə ki, o, əsəb sistemi və beyinin inkişafına mənfi təsir göstərir. Bundan başqa, çox sürətlə yayılan bu maddə asanlıqla qida məhsullarına qarışa bilir. Alimlərin hazırladığı yeni üsul sayəsində ağır metalların ionları sudan çıxarılır: xüsusi metal plastin vasitəsilə elektrodlar onları özünə çəkir. Yeni üsul eklektik enerjisinə qənaət etmək baxımından da səmərəlidir.

Bu ixtiranın müəllifləri həm İsveçdə, həm də xarici ölkələrdə bir sıra nüfuzlu mükafatlara layiq görülüblər. Yeni üsul iqtisadi cəhətdən faydalı olduğu üçün sənayeçilərin də diqqətini cəlb edib. Tədqiqatın nəticələri "Nature Communications” jurnalında dərc olunub.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video