17:09 26 Fevral 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

İsmayıllıda 20 Yanvar şəhidlərinin xatirəsi ehtiramla anılıb
 
ANA SƏHİFƏ / SİYASƏT
17:54 20.01.2021

 İsmayıllı rayonunda 20 Yanvar faciəsinin 31-ci ildönümü müxtəlif tədbirlərlə qeyd olunub.

AZƏRTAC-ın bölgə müxbiri xəbər verir ki, ictimaiyyət nümayəndələri ümummilli liderimiz Heydər Əliyevin abidəsini, sonra isə “Şəhidlər xiyabanı”nda şəhidlərin xatirəsini ehtiramla yad ediblər. Din xadimləri şəhidlərin xatirəsinə xütbə oxuyub, dualar ediblər. Ziyarətçilər məzarların üzərinə qərənfillər düzüb, Vətənimiz, dövlətçiliyimiz, müstəqilliyimiz uğrunda şəhid olan övladlarımıza Allahdan rəhmət diləyiblər.

Daha sonra Mədəniyyət sarayında gənc rəssamların 20 Yanvar faciəsinin dəhşətlərini və Vətən övladlarının dəyanətini, vətənpərvərliyini, cəsurluğunu, igidliyini əks etdirən rəsm sərgisinə baxış keçirilib. Habelə, sarayda anım gününə həsr olunmuş şeirlər səsləndirilib, faciəni əks etdirən filmlər nümayiş olunub.

Rayon rəhbərliyi 20 Yanvar hadisələrinin iştirakçısı olan Səməd Əlizadə ilə görüşüb. Faciənin şahidi 20 Yanvar şəhidlərinin, yaralananların ailələrinə dövlətin göstərdiyi diqqət və qayğıya görə minnətdarlığını bildirib, o dəhşətli gecədəki xatirələrindən danışıb.

Saat 12:00-da rayonda şəhidlərin əziz xatirəsi bir dəqiqəlik sükutla anılıb.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM