İlham Əliyevin möhtəşəm zəfəri
Qalibiyyətin mübarək, Ali Baş Komandan!
Zəfərin qutlu olsun, şanlı Azərbaycan əsgəri!
Ey ana torpaq uğrunda can qoyub müqəddəsləşən, şəhadət aşiqləri!
Qəhrəman elimiz, obamız, ulusumuz, Vətən sevdalılarımız!
Azadlığı haqq eyləyən dədə-baba yurdumuz, Qarabağımız!
Qələbə sənə yaraşır, Bütöv Azərbaycanımız!
Azərbaycan xalqı bu 30 ildə çox faciələr yaşadı, haqsızlıqlara uğradı, ədalətsizliyin qurbanı oldu. Tarixi dədə-baba torpaqlarından qovuldu, soyqırımlarla üzləşdi, tükürpərdici vəhşiliklərə məruz qaldı. Əsir, əliyalın mülki vətəndaşlarımıza qarşı olmazın işgəncələr verən faşist xislətli düşmənin iyrənc əməllərinə şahidlik etdi. Öz vətənində qaçqına, köçkünə çevrildi, illərlə vətən həsrəti gəzdirdi ürəyində...
Çox körpələr doğuldu Xankəndini, Şuşanı, Laçını, Ağdamı, Kəlbəcəri, Zəngilanı, Füzulini, Qubadlını, Cəbrayılı yalnız fotolardan, sınıq xatirələrdən tanıyan...
Çox babalarımız, nənələrimiz, atalarımız, analarımız doğma yurdlarını bir daha görmədən bu dünyayla vidalaşdı, yurdlarını son dəfə tərk edərkən götürdükləri bir ovuc torpaq səpildi üzərlərinə...
Və bu ağrı-acılı 30 ilin məngənəsində həmin o bir ovuc müqəddəs vətən torpağı da tükəndi...
Heç zaman haqq işimizdən vaz keçmədik
Elə səbrimizin, dözümümüzün, hövsələmizin tükəndiyi kimi...
Əslində biz çoxdan yol gəlirdik, ta 30 ilin o tayından bu müqəddəs ana doğru... Nə qədər zülm etsələr də, gözümüzü qorxutmaq istəsələr də, barışmadıq, boyun əymədik azğın düşmənə. Hər birimiz Ermənistandan əsirlikdən gələn vətəndaşlarımızın yaşadıqları, şahidi olduqları işgəncələri eşitmişik, bilirik. Həmin əsirlərin əksəriyyəti isə yaşadıqları bir işgəncədən daha çox danışırdılar: "Ermənilər torpağı ağzımıza yığıb, bizi döyürdülər, deyirdilər ki, "Qarabağ Azərbaycanın deyil” söyləyin. Amma bizə nə qədər işgəncə versələr də, heç zaman bu haqsız sözü dilimizə gətirmədik”.
Bəli, biz heç zaman "Qarabağ Azərbaycandır!” haqq nidasından vaz keçmədik, müqəddəs torpaqlarımızdan düşmənin murdar ayağını kəsərək atacağımıza adımız kimi əmin olduq. Sülh yolu ilə mümkün olmasa, Qarabağımızın işğaldan azad edilməsi, vətənimizin bütövlüyü uğrunda son damla qanımıza qədər vuruşaraq qalib gələcəyimizə Azərbaycan xalqının qürur zirvəsi Şəhidlər xiyabanında and içdik.
And içdik ki, məğrur Azərbaycan bayrağını Qarabağın ən hündür zirvələrində dalğalandıracağıq.
Qarabağ bizimdir!
Budur, artıq həmin qürurlu, şərəfli, zəfər müjdəli qalibiyyət günlərini yaşayırıq.
Müzəffər Ali Baş Komandan İlham Əliyevin, rəşadətli Azərbaycan Ordusunun şücaəti sayəsində qələbə sevincimizi yenə də Şəhidlər xiyabanında qeyd edirik.
Deyirik ki, Laçın da, Şuşa da, Kəlbəcər də, Ağdam da, Füzuli də, Cəbrayıl da, Zəngilan da, Qubadlı da, Qarabağ da bizimdir. Bir anın içində, yüz minlərlə köçkün vətəndə qəribçilikdən qurtuldu.
Əzmkar sərkərdəmiz bir həmlədəcə düşmənin belini sındırdı, onu diz çökməyə məcbur etdi. Sülh üçün yalvarmaq məcburiyyətinə məhkum elədi.
Çünki Yer üzündə qorxaqlıq, alçaqlıq, riyakarlıq, tamahkarlıq, namərdlik və bu kimi insanlığa xas olmayan çoxlu sayda eybəcər sifətləri təcəssüm etdirən erməni vandalları sülhün nə olduğunu belə bilmirlər. Mütləqdir ki, başlarına yumruğu zərblə endirəsən və bunu da möhtərəm Prezidentimiz İlham Əliyev layiqi ilə yerinə yetirdi. Ermənilərin xəstə təfəkkürlərinin məhsulu olan Qarabağ iştahlarını başlarında çatlatdı.
Və Ali Baş Komandanımız noyabrın 10-da bir qərinəlik Vətən həsrətimizin sona yetməsini, şanlı Qələbəmizin - Ermənistanın təslim olmasının müjdəsini də verdi.
Nəhayət ki, haqq-ədalət yerini tutdu, 30 il davam edən işğala son qoyuldu.
Bütün Azərbaycan xalqı bu tarixi zəfərin qürurunu paylaşmaq üçün küçələrə axışdı, sevinc göz yaşlarımız selə döndü. İndi yurdumuzun dörd bir yanında əllərində ay-ulduzlu üçrəngli bayraqlar dalğalandıran, Müzəffər Ali Baş Komandanımızın portretlərini tutan milyonlarla insan rəşadətli Ordumuza, qalib Əsgərimizə, Prezidentimizə minnətdarlıqlarını ifadə etmək coşqusu yaşayırlar.
Min illərin o tayında qürurla xatırlanacaq möhtəşəm Qələbənin şahidi olduq
İlahi, necə xoşbəxt taleyə malik bir nəsilik. Min illərin o tayında qürurla xatırlanacaq möhtəşəm Qələbə günlərinin canlı şahidləriyik. Bu qələbədə hər birimizin azacıq da olsa payı oldu. Ön səngərdə, arxa cəbhədə müsəlləh əsgərə çevrildik. Ordumuza dəstək olmaq üçün hər birimiz öz sahəmizdə əlimizdən gələnin ən yaxşısını etməyə çalışdıq. Və qəhrəman əsgərlərimiz üçrəngli müqəddəs bayraqlarımızı düşmən tapdağından azad edilən Vətən torpaqlarımızda dalğalandırdıqca qəlbimiz fərəhdən dağa döndü, qürurlandıq.
Qalibiyyətinlə fəxr edirik, cənab Ali Baş Komandan!
Zəfərinə alqış olsun, ey qüdrətli Azərbaycan Ordusu!
Ruhunuz qarşısında baş əyirik, torpaqlarımız uğrunda şəhid olan bütün qəhrəman oğullarımız, qızlarımız!
Bayraqları Qarabağda dalğalanan Azərbaycan!
Qələbən mübarək!
Yasəmən MUSAYEVA,
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Mahmud Abbas yeni hökumətin tərkibini təsdiqləyib
28 Mart
ABF rəsmisi: "Böyük İpək Yolu" turnirinin Bakıda keçirilməsi boksun ölkəmizdə inkişafının təzahürüdü...
28 Mart
Manə Mollayeva : Xallar əldə etmək üçün vuruşacağıq
28 Mart
Yekun qərar qəbul edilməyib - Emin Ağalarov
28 Mart
Əcnəbi tələbələr Quba Soyqırımı Memorial Kompleksini ziyarət ediblər
28 Mart
Gürcüstan iqlim dəyişikliyi ilə mübarizəyə 3,7 milyard lari xərcləyəcək
28 Mart
Biz unutmuruq, tarix də unutmasın...
28 Mart
Taksilərin texniki göstəriciləri, daxili və xarici tərtibatına dair tələblər təsdiqlənib ...
28 Mart
BMT-nin İnkişaf Proqramı ilə gələcək əməkdaşlığa dair fikir mübadiləsi aparılıb
28 Mart
Dövlət orqanlarında vakant inzibati vəzifələrin tutulması məqsədilə daxili müsahibə elan edilir ...
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!