00:01 11 Aprel 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

İdman ürək-damar xəstəliklərindən qorumur
ANA SƏHİFƏ / SƏHIYYƏ
17:36 03.09.2018

Belə hesab edilir ki, idmançılar ürək-damar xəstəliklərindən əziyyət çəkmirlər. Lakin Britaniya Kolumbiyası Universitetinin alimləri bu fərziyyəni təkzib ediblər. Onlar bildiriblər ki, daimi fiziki aktivliyə baxmayaraq idmançılar da ürək-damar xəstəliklərinə qarşı həssasdırlar.

AZƏRTAC MedDaily saytına istinadla bildirir ki, əvvəllər aparılan araşdırmalar orqanizmin daimi fiziki ağırlığa məruz qalmasının vaxtından əvvəl ölümlə nəticələndiyini sübut edib.

Budəfəki tədqiqatlarda 35 yaşından yuxarı 798 idmançı iştirak edib. Onlar həftədə üç dəfə intensiv olaraq orta və yüksək ağırlıqlı fiziki hərəkətlərlə məşğul olublar. Bununla bərabər idmançılar öz sağlamlıqları, irsi problemlər və məşğul olduqları idman növü haqqında müxtəlif məlumatlar veriblər. Mütəmadi olaraq idmançıların qan təzyiqləri ölçülüb və koronar angioqrafiya (ürək damarlarının müayinəsi) olunub. Nəticədə iştirakçılardan 94 nəfərində ürək-damar xəstəlikləri, 10-unda isə ürəyin tac damarlarında ağır funksiya pozuntuları aşkar olunub. Onu da qeyd edək ki, patologiyalar heç bir əlamətlə özünü büruzə verməyib.

Araşdırmalar onu sübut edib ki, pis vərdişlərin və genetik xəstəliklərin olmamasına baxmayaraq, idman ürək-damar xəstəliklərindən qorunmanın təminatı deyil.


NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM