16:54 26 Fevral 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Dubaydakı baş konsulluğumuzda 20 Yanvar qurbanlarının xatirəsi anılıb
 
ANA SƏHİFƏ / SİYASƏT
17:57 20.01.2021

 

Azərbaycan Respublikasının Dubaydakı baş konsulluğunda xalqımıza qarşı törədilmiş 20 Yanvar faciəsinin otuz birinci ildönümünə həsr olunmuş tədbir keçirilib.

AZƏRTAC xəbər verir ki, tədbir iştirakçıları şəhidlərimizin əziz xatirəsini bir dəqiqəlik sükutla yad ediblər.

Baş konsul Cavidan Hüseynov çıxış edərək bildirib ki, 20 Yanvar hadisələri xalqımızın müstəqillik əzminə mane ola bilmədi və müasir Azərbaycan tarixində qəhrəmanlıq salnaməsi kimi daxil oldu. O əlavə edib ki, ümummilli lider Heydər Əliyev xüsusi nəzarət altında olmasına baxmayaraq, faciə baş verdikdən dərhal sonra - 1990-cı il yanvarın 21-də ailə üzvləri ilə birlikdə Azərbaycanın Moskvadakı daimi nümayəndəliyinə gələrək doğma xalqı ilə həmrəy olduğunu nümayiş etdirib və böyük cəsarət göstərərək SSRİ rəhbərliyinin törətdiyi bu qanlı əməliyyata kəskin etirazını bildirməklə yanaşı, həmin əməliyyata rəhbərlik edənləri ifşa edib.

Baş konsul vurğulayıb ki, ulu öndər Heydər Əliyevin xilaskarlıq missiyasını davam etdirən və 44 günlük Vətən müharibəsini Qələbə ilə başa vuran Azərbaycan Prezidenti, Silahlı Qüvvələrin Müzəffər Ali Baş Komandanı İlham Əliyev ərazi bütövlüyümüzü bərpa edərək şəhidlərimizin qanını yerdə qoymadı.

Tədbirin sonunda 20 Yanvar faciəsindən bəhs edən sənədli film nümayiş etdirilib.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM