Bu il aktiv məşğulluq və sosial müdafiə proqramları daha da genişlənəcək
Prezident İlham Əliyevin tapşırıqlarına uyğun olaraq, 2021-ci il sosial inkişaf, həssas əhali qruplarına, xüsusilə şəhid ailələri və müharibə ilə əlaqədar əlilliyi olan şəxslərə qayğının artırılması sahəsində növbəti mühüm irəliləyişlər ili olacaq, aktiv məşğulluq və sosial müdafiə proqramları daha da genişlənəcək.
Bunu əmək və əhalinin sosial müdafiəsi naziri Sahil Babayev Prezident İlham Əliyevin tapşırıqlarının icrası sahəsində görüləcək işlərə, ötən ilin yekunlarına və builki sosial hədəflərə həsr olunmuş kollegiya iclasında vurğulayıb.
Nazir bildirib ki, 2020-ci il tariximizə Zəfər ili kimi qızıl hərflərlə yazıldı. Prezident, Silahlı Qüvvələrin Müzəffər Ali Baş Komandanı İlham Əliyevin rəhbərliyi ilə Azərbaycan Ordusu möhtəşəm Qələbə əldə etdi, ərazilərimiz işğaldan azad edildi. Postmüharibə dövrü isə şəhid ailələrinin, müharibə iştirakçılarının, müharibədən zərər çəkənlərin sosial dəstəklə təmin olunması işləri ilə xarakterik olan bir dövrdür.
Nazirliyin İctimaiyyətlə əlaqələr və kommunikasiya şöbəsindən AZƏRTAC-a verilən məlumata görə, nazir bildirib ki, bu sahədə işlər qarşıdakı dövrdə daha geniş miqyas alacaq. Prezidentin yanvarın 15-də Şuşada səfərdə olarkən hərbçilərlə görüş zamanı qeyd etdiyi kimi, “Bütün şəhid ailələri dövlət tərəfindən qayğı ilə əhatə olunub. Bütün şəhid ailələrinə dövlət tərəfindən mənzillər, evlər veriləcəkdir. Artıq bu ildən başlayaraq göstəriş verildi. Şəhid ailələri üçün müavinət 300 manatdan 500 manata qaldırıldı və daim o ailələr diqqət mərkəzində olacaqlar. Birinci Qarabağ müharibəsində həlak olmuş
9 min şəhidin ailəsinə dövlət artıq mənzillər, evlər vermişdir. Yaralı hərbçilərimiz dövlət tərəfindən qayğı ilə əhatə olunub. Əlil olmuş hərbçilərin reabilitasiyası, onların müasir protezlərlə təmin edilməsi məsələsi öz həllini tapacaq”.
Nazir qeyd edib ki, 2020-ci il üzrə mənzillə təminat proqramı - 1500 şəhid ailəsi və müharibə ilə əlaqədar əlilliyi olan şəxsin mənzillə və fərdi evlə təminatı uğurla icra olundu. Hazırda Prezidentin göstərişi ilə mühüm bir proqram - keçmiş köçkünlər üçün tikilmiş mənzillərin şəhid ailələrinə verilməsi üçün həmin mənzillərin Əmək və Əhalinin Sosial Müdafiəsi Nazirliyinin balansına verilməsi işləri aparılır və artıq bu işlər yekunlaşandan sonra yaxın aylarda şəhid ailələrinə, müharibə ilə əlaqədar əlilliyi olan şəxslərə təqdim olunmasına başlanılacaq.
S.Babayev 2021-ci ilin işğaldan azad edilmiş ərazilərdə sosial xidmət və reabilitasiya infrastrukturunun qurulmasına başlanması dövrü olacağını və bu istiqamətdə də geniş işlərin aparılacağını deyib. O, eyni zamanda sosial ödənişlərin davamlılığının təmin edilməsinin, özünüməşğulluq proqramına 2020-ci ilə nisbətən 33,3 faiz çox olmaqla 16 min şəxsin cəlb olunmasının təmin ediləcəyini bildirib.
Nazir diqqətə çatdırıb ki, il ərzində yeni reabilitasiya və sosial xidmət mərkəzləri istifadəyə veriləcək. Vətən müharibəsində yaralanmış hərbçilərin reabilitasiyası üçün müasir tələblərə uyğun reabilitasiya sistemi qurulub və onların bu xidmətlərlə, habelə reabilitasiya vasitələri, yüksək texnologiyalı müasir protezlə təminat proqramı da davam etdirilməklə genişləndiriləcək. Nazirlik üzrə e-xidmətlərin sırası ötən il daha da artıb. Bu sahədə işlər davam edəcək və qurum üzrə e-xidmətlərin sayının 61-dən 100-ə çatdırılması təmin olunacaq.
İclasda dövlət başçısının tapşırıqlarının icrası sahəsində qarşıda duran vəzifələr, nazirliyin fəaliyyət sahələri üzrə son bir ildə görülmüş işlər müzakirə olunub.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Davamlı öskürəyin ev şəraitində müalicəsi xəstəliyin ağırlaşmasına səbəb ola bilər ...
28 Mart
Hərbi institutun kursantları ilə praktiki məşğələlər keçirilib
28 Mart
DİM: Dövlət qulluğu üzrə imtahandan müvəffəqiyyətlə keçənlərin sertifikatlarının verilməsinə başlan...
28 Mart
BMT: Dünyada ərzaqların 17 faizi tullantıya çevrilir
28 Mart
BMT: 783 milyon insanın aclıqdan əziyyət çəkdiyi bir şəraitdə qida tullantılarının həcmi 20 faizə ça...
28 Mart
Elektromobillərin dünya qiymətləri ucuzlaşa bilər
28 Mart
Bayram günlərində Qəbələ Dövlət Tarix-Bədii Qoruğunu ziyarət edənlərin sayı artıb
28 Mart
Yaşar Güler: Terror mövzusu Türkiyə gündəmindən tamamilə silinəcək
28 Mart
Mərkəzi Bank uçot dərəcəsini endirib
28 Mart
FHN: Ötən sutka ərzində 2-si azyaşlı olmaqla 4 nəfər xilas edilib
28 Mart
DİQQƏT ÇƏKƏNLƏR
Bütöv Azərbaycanın Zəfər tonqalı20 Mart 2024
Parçalanmış dünyanın bərpasına töhfə19 Mart 2024
QHT-lərin maliyyə tələbi Agentliyin illik qrant büdcəsindən 4 dəfə çoxdur - MÜSAHİBƏ18 Mart 2024
Prezident İlham Əliyev və NATO-nun Baş katibi Yens Stoltenberq mətbuata bəyanatla çıxış ediblər YE...17 Mart 2024
Fransa növbəti dəfə ifşa olundu16 Mart 2024
ÇOX OXUNANLAR
Xoş niyyətlər bayramı20 Mart 2024
Azərbaycan Qafqazda sülhü də bərqərar edəcək19 Mart 2024
Prezident İlham Əliyev Xankəndi şəhərində Novruz tonqalını alovlandırıb və Azərbaycan xalqını bayram...18 Mart 2024
Natəvanın heykəlinə qarşı vandalizm Fransa tarixinin utancverici hadisəsidir17 Mart 2024
Bakı Forumunda Azərbaycanın COP29-a evsahibliyi etməsi dəstəkləndi16 Mart 2024
Hücum diplomatiyasından hücum taktikasına14 Mart 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!