17:00 26 Fevral 2021
ONLINE XƏBƏR LENTİ
Zəfər qoxulu payızım...
BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

Arif Rəhimov: Formula 1 Azərbaycan Qran-Prisinin keçirilməsinə dair ssenarilər barədə fikir mübadiləsi aparılır
 
ANA SƏHİFƏ / İDMAN
15:42 14.01.2021

 

Bu il Formula 1-in təqvimində nəzərdə tutulmuş Azərbaycan Qran-Prisinin keçirilməsi iyunun 6-na planlaşdırılır.

AZƏRTAC xəbər verir ki, bu barədə yarışın təşkilatçısı “Bakı Şəhər Halqası” Əməliyyat Şirkəti (BŞH) məlumat yayıb.

Əməliyyat şirkətinin icraçı direktoru Arif Rəhimov bildirib ki, Formula 1 rəhbərliyi bir neçə gün əvvəl yarışın builki təqvimində bir sıra dəyişikliklər edib. Buna baxmayaraq, dünya çempionatının Azərbaycan mərhələsinin plana müvafiq olaraq, iyunun 4-6-da Bakının mərkəzi küçələrində keçirilməsi nəzərdə tutulur. Azərbaycan Qran-Prisinin başlamasına beş ay qaldığı bir ərəfədə BŞH rəhbərliyi yarışın keçirilməsini mümkün edəcək ssenarilər barədə fikir mübadiləsi aparır, o cümlədən Qran-Prini canlı izləmək imkanını nəzərdən keçirir.

Formula 1-də yeni mövsüm martın 28-də Bəhreyn Qran-Prisi ilə start götürəcək. Çempionata dekabrın 10-12-də Əbu-Dabidəki yarış ilə yekun vurulması planlaşdırılır. Yeni mövsüm mərhələlərin sayına görə rekord təşkil edəcək. Belə ki, cari mövsümdə 23 Qran-Prinin keçirilməsi nəzərdə tutulub.



NƏŞRLƏRİMİZ
Reklam
Reklam


HAVA PROQNOZU
VALYUTA
InvestAZ
ARXİV
TƏQVİM