Anar Eyvazov: Səfərbərlikdən tərxis edilmiş şəxslərlə bağlı komissiyanın nəzdində əlavə iki səyyar qrup yaradılıb
Səfərbərlikdən tərxis olunmuş vətəndaşlarımızın qəbulu, onların müraciətlərinə obyektiv və operativ qaydada baxılması ilə bağlı müdafiə nazirinin əmri ilə yaradılmış komissiya yanvarın 11-dən etibarən Bakıda Silahlı Qüvvələrin Təlim və Tədris Mərkəzində fəaliyyətini davam etdirir. Bundan başqa, Füzuli rayonunda da komissiyanın səyyar qrupu da fəaliyyət göstərir. Bakıda fəaliyyət göstərən komissiya tərəfindən bu günə qədər 1751 vətəndaş qəbul edilib. Füzuli rayonunda fəaliyyət göstərən səyyar qrup tərəfindən isə 202 vətəndaş qəbul olunub. Hazırda müraciətlərdə qaldırılan məsələlərin həlli istiqamətində lazımi tədbirlər görülür.
AZƏRTAC xəbər verir ki, bunu Müdafiə Nazirliyinin mətbuat xidmətinin mətbuat katibi polkovnik-leytenant Anar Eyvazov yanvarın 17-də jurnalistlərə müsahibəsində deyib.
Mətbuat katibi bildirib ki, müsbət fəaliyyətlərdən biri də müraciət edən bəzi vətəndaşlarımızın komissiyaya könüllü şəkildə kömək etmək və vətəndaşlara xidmət göstərmək üçün müraciət etmələridir. Bu təşəbbüs tərəfimizdən müsbət qarşılanıb. Son günlər bəzi vətəndaşlarımız da komissiyaya qoşularaq digər vətəndaşlara xidmət etməyə başlayıblar.
“Fəaliyyətimizin genişləndirilməsi və vətəndaşların gediş-gəlişini nəzərə alaraq, onların rahatlığını təmin etmək məqsədilə komissiyanın nəzdində əlavə iki səyyar qrupun da yaradılması qərara alınıb. Beləliklə, yanvarın 18-dən etibarən Pirəkəşkül qəsəbəsində və Gəncə şəhərində yerləşən hərbi hissələrdə səyyar qruplar fəaliyyət göstərəcək. Bununla da bazar günləri istisna olmaqda hər gün səhər saat 09:00-dan 18:00-dək respublikanın dörd istiqamətində komissiya fəaliyyətini davam etdirəcək. Eyni zamanda, vətəndaşlarımızın rahatlığı üçün onların heç yerə getmədən müraciət etmələri və sorğularının cavablandırılması məqsədilə əlavə “qaynar xətt” nömrələri də açılıb. Həmin “qaynar xətt” nömrələri də eyni istiqamətlər üzrə fəaliyyətə başlayacaqlar. Bakıda fəaliyyət göstərən “qaynar xətt”in nömrələri 012 404-76-34, 050 873-21-85, Gəncədə 050 758-27-34, Füzuli rayonunda 050 706-70-07, Pirəkəşkül qəsəbəsində isə 050 653-16-39-dur.
Komissiyanın veteran adı və ya müvafiq olaraq veteran kitabçasının verilməsi səlahiyyəti yoxdur. Buna görə də vətəndaşlarımızdan xahiş edirik ki, bu məsələ ilə əlaqədar komissiyaya müraciət etməsinlər”, - deyə A.Eyvazov vurğulayıb.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
İnam Kərimov: Azərbaycanda məhkəmə-hüquq islahatları hər zaman dövlətin diqqət mərkəzində olub ...
25 Aprel
Vətəndaşlara Şuşa, Suqovuşan və Laçına fərdi avtomobilləri ilə səfər etmələrinə icazə veriləcək ...
25 Aprel
Vəkillər Kollegiyasının sədri: Bu gün ölkəmizdə vəkillərin sayı 2454 nəfərə çatıb ...
25 Aprel
Mətbuat xidmətlərinin rəhbərləri üçün “Böhran kommunikasiyası” mövzusunda təlim təşkil olunub ...
25 Aprel
DİM sertifikasiya imtahanı materiallarının hazırlanması üçün mütəxəssisləri əməkdaşlığa dəvət edir...
25 Aprel
Bakının bir sıra yollarında sıxlıq müşahidə olunur - SİYAHI
25 Aprel
DİN: Ötən gün ölkə ərazisində 63 cinayətin üstü açılıb
25 Aprel
Azərbaycan nefti bahalaşıb
25 Aprel
Blinken: ABŞ və Çin ikitərəfli münasibətlərə məsuliyyətlə yanaşmalıdır
25 Aprel
Vaşinqtonda “erməni soyqırımı” yalanlarına qarşı dinc aksiya keçirilib
25 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!